Türkmen zyýaratçylarynyň uly topary haj parzyny berjaý etmek üçin Saud Arabystany Patyşalygyna ugradylar.
Bellenilişi ýaly, zyýaratçylar, ilki bilen, Aşgabatdaky Hezreti Omar metjidine bardylar. Musulmanlaryň esasy baýramlarynyň biri bolan Gurban baýramynyň öňüsyrasynda ýurduň ähli welaýatlaryna we paýtagta wekilçilik edýän raýatlar tutuş dünýäniň zyýaratçylarynyň millionlarçasy bilen bir hatarda sahawatly günlerde mukaddes Käbä tagzym etmek we beýleki däp dessurlary berjaý etmek üçin Mekgede we Medinede bolarlar.