Türkiýe Respublikasy Azerbaýjandan goşmaça möçberde tebigy gaz satyn almak üçin uzak möhletleýin şertnamalar baglaşmaga taýýardygyny mälim etdi.
Bu barada Türkiýäniň energetika we tebigy serişdeler ministri Alparslan Baýraktar aýtdy.
“Geljek 15 ýylda Azerbaýjanda goşmaça gaz möçberi bar bolsa, biziň içerki bazarymyz açyk. Türkiýäniň senagaty, ykdysadyýeti we ilaty ösýär we biz gaz satyn almak baradaky uzak möhletleýin borçnamalara taýýar” -diýdi.
Ministr Günorta gaz geçelgesini giňeltmek üçin diňe bir Türkiýeden we Azerbaýjandan däl, eýsem Ýewropadan hem işjeň gatnaşygyň zerurdygyny aýtdy.
Şeýle hem, ol Baku-Tbilisi-Jeýhan turbageçirijisi arkaly dünýä bazarlaryna her gün 700 müň barrel nebitiň iberilýändigini, şeýle hem TANAP we TAP gaz geçirijileriniň umumy kuwwatynyň ýylda 32 milliard kub metre barabardygyny belledi.
Baýraktar, 2027-nji ýyla çenli Azerbaýjana Ýewropa gaz eksportyny iki esse artdyrmaga mümkinçilik berýän infrastrukturanyň eýýäm taýýardygyny aýtdy.