Türkmenistanyň Türkiýe Respublikasyndaky Ilçihanasynyň goldawy bilen «Turkic World» atly halkara habarlar internet portaly 2026-njy ýylyň Türkmenistanda «Garaşsyz, baky Bitarap Türkmenistan – bedew batly at-myradyň mekany» diýlip yglan edilmegi mynasybetli geçiriljek çäreleriň ulgamlaýyn esasynda maglumat taýdan şöhlelendirilmegini amala aşyrar.
Bu maglumat hyzmatdaşlygy Türkmenistanyň Garaşsyzlygynyň taryhy ähmiýetini, onuň hemişelik Bitaraplyk derejesini, şeýle hem ýurduň baý ruhy we medeni mirasyny nygtamaga gönükdirilen möhüm başlangyçlary, medeni, ylmy we jemgyýetçilik-syýasy çäreleri giňden beýan etmegi maksat edinýär.
Turkic World portalynda ýerleşdiriljek habarlar halkara maglumat hyzmatdaşlygyny pugtalandyrmaga, türki dünýäsiniň çäginde gatnaşyklary ösdürmäge, şeýle hem Türkmenistanyň häzirki döwürde gazananlary, hemişelik Bitaraplyk syýasaty we sebit hem-de ählumumy ösüşe goşýan döredijilikli goşandy barada dünýä jemgyýetçiliginiň habarlylygyny artdyrmaga ýardam eder.
Degişli çäreler barada habarlar Turkic World portalynyň tematiki bölüminde, aşakdaky salgylanma arkaly elýeterli bolar: https://turkic.world/tm/articles/politics/.