Dünýä belli “TikTok” jemgyýetçilik torunyň eýesi bolan “ByteDance” kompaniýasynyň esaslandyryjy Çžan Imin Hytaýyň iň baý adamlarynyň reýtinginde birinji orny eýeledi.
41 ýaşyndaky işewür “Bloomberg” neşiriniň milliarderleriniň sanawynda 57.5 milliardlyk emlägi bilen baýlaryň sanawynda orun alýar.
Hytaýyň baýlarynyň sanawynda ikinji orunda “Tencent” telekommunikasiýa kompaniýasynyň ýolbaşçysy Ma Huaten barýar we onuň baýlygy 56.6 milliard dollara barabardyr. Bu kompaniýa degişli bolan “WeChat” jemgyýetçilik torundan 1.3 milliard adam peýdalanýar.
Sanawda ilkinji üçlükde “Nunfu” arassa agyz suwy markasynyň esaslandyryjy bolan 70 ýaşyndaky Çžun Şanşan bolup, onuň baýlygy 54.1 milliard dollara deňdir.
Aziýanyň iň baý adamy hindistanly Mukeş Ambanidir. Onuň emlägi 90.9 milliard dollara çenli azaldy. 2024-nji ýylda onuň baýlygy 120 milliard dollardan gowrakdy. Häzirki wagtda ol dünýä baýlarynyň sanawynda 17-nji orunda.
Dünýäniň iň baý adamy hökmünde Ilon Mask kabul edilýär we onuň baýlygy 336 milliard dollara barabardyr.