Russiýa Federasiýasynyň Tatarystan Respublikasynyň Prezidenti Rustam Minnihanow Türkmenistana geldi. Iş sapary bilen Aşgabada gelen hormatly myhman Türkmenistanyň Prezidenti Serdar Berdimuhamedow we Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşar.
Şeýle hem Tatarystan Respublikasynyň Prezidenti Rustam Minnihanow Aşgabatda geçiriljek türkmen-rus işewürler forumyna gatnaşar.
Mundan başga-da, ol Arkadag şäherinde Ahal welaýatynyň baş metjidiniň düýbüniň tutulyş dabarasyna gatnaşar we “Kamaz” kompaniýasynyň Aşgabat şäherindäki hyzmat merkezine baryp görer.
Bu barada Tatarystan Respublikasynyň Prezidentiniň metbugat gullugy habar berýär.
Şeýle hem şu gün ýurdumyza Russiýa Federasiýasynyň Hökümetiniň Başlygy Mihail Mişustin hem gelýär.