Şu gün ýurdumyzda Oraza baýramy giňden bellenilip geçilýär. Hormatly Prezidentimiziň gol çeken Permanyna laýyklykda, türkmen halkynyň milli baýramy bolan Oraza baýramynyň dabaralary giňden ýaýbaňlandyryldy.
Remezan aýynyň ady halkyň aňynda oraza tutmak bilen berk baglanyşykly. Ynsany nebsiň aşa agdyk isleglerinden we arzuwlaryndan, maddy hyrslardan gorap, onuň mertebesini beýgeldýän oraza ybadaty parz hökmünde şu aýda berjaý edilýär. Remezan aýynyň gymmatyny artdyrýan oraza bedeniň zekady hasaplanýar.
30 gün agyz bekläp, dini däpleri berjaý eden türkmen halky Oraza baýramyny ilki bilen berjaý etmeli däp bolan baýram namazyny okamak bilen başladylar. Ýurdumyzyň ähli metjitlerinde baýram namazy okalyp, ýurdumyzyň agzybirligi we asudalygy, ähli türkmen halkynyň maşgala ojagynyň abadanlygy üçin doga-dilegler edildi.
Biz hem “Atavatan Türkmenistan” halkara žurnaly bolup, ildeşlerimizi mukaddes Oraza baýramy mynasybetli tüýs ýürekden gutlaýarys.