JEMGYÝET

Şawkat Mirziýoýewe türkmen alabaýy sowgat edildi

Şu gün ýurdumyzda resmi saparda bolýan Özbegistan Respublikasynyň Prezidenti Şawkat Mirziýoýew Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşdy. Bu barada Özbegistanyň Prezidentiniň metbugat gullugy habar berýär.

Milli Geňeşiň Halk Maslahatynyň Diwanynda geçirilen duşuşygyň dowamynda Özbegistanyň Prezidenti hormatly Arkadagymyz Gurbanguly Berdimuhamedowyň sebit derejesinde parlamentara hyzmatdaşlygy ösdürmäge, ählumumy parahatçylygy we howpsuzlygy üpjün etmäge gönükdirilen teklipdir başlangyçlarynyň wajypdygyny belledi. Şunda şu ýylyň maýynda Aşgabatda geçirilen Merkezi Aziýa döwletleriniň we Russiýa Federasiýasynyň Parlamentara forumynyň hem-de zenanlaryň dialogynyň netijeli häsiýeti aýratyn nygtaldy. Şunuň bilen baglylykda, taraplar türkmen-özbek parlamentara gatnaşyklaryny ösdürmegiň mümkinçiliklerini ara alyp maslahatlaşdylar.

Duşuşygyň ahyrynda Gurbanguly Berdimuhamedow Özbegistan Respublikasynyň Prezidenti Şawkat Mirziýoýewe türkmen alabaýyny sowgat etdi.

Related posts

İlham Aliýew TDG-niň hökümet baştutanlary bilen duşuşdy

Si Szinpin: Hytaý Türkmenistanyň ygtybarly dosty we hyzmatdaşy

Ata Watan Eserleri

“Talyp gözeli-2021” Halkara gatnaşyklary institutynda

Leave a Comment