Russiýaly hüjümçi Aleksandr Oweçkin Milli hokkeý ligasynda geçiren gollarynyň sanyny 894-e ýetirdi. Ol meşhur kanadaly hokkeýçi Ueýn Gretskiniň rekordyny gaýtalady.
“Waşington” toparynyň kapitany rus hokkeýçi “Çikago Blekhoks” topary bilen geçirilen duşuşykda 2 gezek tapawutlanmagy başardy.
Şeýlelikde, 39 ýaşyndaky Oweçkin kanadaly türgen Gretskiniň 894 gollyk taryhy rekordyny gaýtalamagy başardy.
Kanadaly hokkeýçi Ueýn Gretski soňky gezek 1999-njy ýyda tapawutlanypdy we ol Milli hokkeý ligasynyň “beýik” ýagny, “The Great One” adyna eýe bolupdy.
Rus hokkeýçi Oweçkin hem kanadaly türgeniň rekordyna şärik bolup, ol 6-njy aprelde “Nýu-Ýork Aýlenders” duşuşygynda tapawutlanan halatynda bu rekordy öz adyna geçirer.