Saud Arabystanynyň «Al-Nasr» klubynyň portugaliýaly hüjümçisi Kristiano Ronaldo tomusky transfer möwsüminde Saud Arabystanynyň bu klubundan gidip biler. Bu barada “Record” onlaýn neşiri habar berýär. Çeşmäniň maglumatlaryna görä, 40 ýaşly futbolçy «Al-Nasrda» özüni bagtsyz duýýar we karýerasyny Ýewropada ýa-da MLS-de (ABŞ-nyň ýokary ligasynda) dowam etdirmek mümkinçiliklerine seredýär.
Habar berlişine görä, Ronaldony 50 million ýewro töweregi möçberde satyn almak mümkin. Kristiano 2023-nji ýyldan bäri «Al-Nasr» klubynda çykyş edýär. Futbolçynyň klub bilen baglaşan şertnamasy 2027-nji ýyla çenli niýetlenendir.
Abraýly internet-portaly “Transfermarkt” ozal «Real», «Mançester Ýunaýted», «Ýuwentus» we «Sporting» klublarynda çykyş eden hüjümçiniň bazar bahasyny 12 million ýewro diýip bahalandyrýar.
Mälim bolşy ýaly, Ronaldo 3-nji fewralda toparyň türgenleşiklerine gatnaşmady we Saud Arabystanynyň futbol çempionatynda 2-nji fewralda “Er-Riýad” topary bilen geçirilen duşuşykda orun almady.