“Al-Nasr” topary Saud Arabystanynyň futbol boýunça çempionatynyň 30-njy tapgyrynda “Al-Ahli” toparyny 2:0 hasaby bilen ýeňdi.
Gollary Kristiano Ronaldo (76-njy minutda) we Kingsli Koman (90-njy minutda) geçirdiler. Ronaldo üçin bu gol karýerasyndaky 970-nji gol boldy. Portugal hüjümçisi futbol taryhynda iň köp gol geçiren futbolçysy bolup durýar.
Häzirki wagtda “Al-Nasr” topary 79 utuk bilen çempionatda birinji orunda barýar.
Saud Arabystanynyň çempionatynda toparlar jemi 34 duşuşyk geçirerler. “Al-Nasr” iň ýakyn bäsdeşi bolan “Al-Hilal” toparyndan 8 utuk öňe saýlandy, ýöne bäsdeşiniň ätiýaçda entek bir oýny bar. Çempionatynyň liderleri 12-nji maýda “Al-Nasryň” meýdançasynda özara duşuşyk geçirerler. Şol duşuşyk hem belki çempionatyň ykbalyny kesgitlär.