Portugaliýanyň milli ýygyndysynyň hem-de Angliýanyň “Mançester Ýunaýted” toparynyň hüjümçisi Kristiano Ronaldo topar derejesinde 700-nji goluny geçirdi.
Ol düýn Angliýanyň çempionatynyň 10-njy tapgyrynda “Mançester Ýunaýted” bilen “Ewerton” toparlarynyň arasynda geçirilen duşuşykda tapawutlandy. “Mançester Ýunaýted” topary bu duşuşykda 2:1 hasabynda ýeňiş gazandy.
Toparyň portugal ýyldyzy özüniň 700-nji goluny baýram etdi. Ol bu üstünlige ýetmek üçin “Real Madrid” toparynyň düzüminde 450 gol, “Ýuwentus” toparynyň düzüminde 101 gol, “Sporting” toparynyň düzüminde 5 gol geçirdi. 37 ýaşyndaky Ronaldo “Mançester Ýunaýted” toparynda 144 gezek tapawutlanmagy başardy.
Şeýlelikde, Ronaldo 700-nji goluny ilkinji geçiren golundan 20 ýyl 2 günden soňra geçirmegi başaryp, uly üstünlige eýe boldy.