Germaniýanyň awtoulag öndürijisi “Porsche AG” elektrik ýangyjyny (sintetiki ýangyjyň bir görnüşi) öndürip başlady we bu önümçiliginiň kuwwatyny ýylda birnäçe million litre çenli artdyrmak meýilnamasyny yglan etdi.
Şeýlelik bilen bu kompaniýa, Çilidäki hyzmatdaşy “Highly Innovative Fuels” şereketi bilen bilelikde Çilide ilkinji zawodyny açdy.
Başlangyç tapgyrda zawodyň kuwwaty ýylda 130 müň litr ýangyç önümçiligine deň bolar, bu awtoulag sporty üçin ulanylar. Soňra, 2025-nji ýyla çenli kärhana önümçiligi ýylda 55 million litre, 2027-nji ýyla çenli bolsa ýylda 550 million litre çenli artdyrmagy meýilleşdirýär.
Geljekde “Porsche” kompaniýasy müşderilere paýlamak üçin nebit kompaniýalaryna elektrik ýangyjyny satmagy maksat edinýär.
Elektrik ýangyjy, suw, wodorod we kömürturşy gazyny ulanmak arkaly çylşyrymly proses arkaly öndürilýän sintetiki metanolyň bir görnüşidir.