Angliýanyň “Çelsi” toparynyň tälimçisi wezipesine Maurisio Poçettino belledi. Argentin hünärmen şu ýylyň 1-nji iýulyndan wezipesine girişer. Ol iňlis topary bilen 2 ýyllyk şertnama baglaşdy. Şertnamanyň möhletini bir ýyl uzaltmak hem göz öňünde tutuldy. Bu barada toparyň resmi saýtynda bellenilip geçilýär.
Şu möwsümde “Çelsi” topary köp sanly güýçli futbolçylary düzümine goşandygyna garamazdan, şowly çykyş edip bilmedi. Şonuň netijesinde, Grem Potter wezipesinden boşadyldy. Onuň ýerine wagtlaýynça Frank Lempard bellendi.
Onuň tälimçiliginde hem topar gowy oýun gňrkezip bilmän, çempionaty 12-nji orunda tamamlady we soňky 29 ýylyň iň pes görkezijisine eýe boldy.
Argentin tälimçi Maurusio Poçettino soňky gezek Fransiýanyň “PSŽ” toparyna tälim berdi. 51 ýaşyndaky tälimçi 2022-nji ýylda bu topardaky işini bes etdi. Ondan ozla, ol 5 ýyl Angliýanyň “Tottenhem” toparyna tälim berdi.