Özbegistan Respublikasy Ýer şarynyň iň kiçi ýurdy bolan Nauru bilen diplomatik gatnaşyklary ýola goýdy. Bu barada Nýu-Ýork şäherindäki Birleşen Milletler Guramasynyň çäklerinde iki ýurduň hemişelik wekilleriniň arasynda degişli beýanata gol çekildi.
Bu resminama Özbegistanyň adyndan Ulugbek Lapasow, Nauru döwletiniň adyndan Ali Erab Daniel gol çekdiler.
Degişli gazanylan ylalaşyga laýyklykda, ýurtlar BMG-niň we beýleki halkara guramalaryň çäklerinde hyzmatdaşlygyny ösdürerler. Mundan başga-da, taraplar syýasy, ykdysady we medeni ulgamlarda hyzmatdaşlyk ederler.
Nauru döwleti Özbegistanyň diplomatik gatnaşyklaryny ýola goýan 159-njy döwlet boldy.