JEMGYÝET

Nepalyň Premýer-ministri Türkmenistana geler

Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyna (LLDC3) Nepal döwletiniň wekiliýetine ýolbaşçylyk edip, ýurduň Premýer-ministr Şarma Oli 3-nji awgustda Türkmenistana geler.

Maslahat 5-8-nji awgust aralygynda Türkmenistanyň “Awaza” milli syýahatçylyk zolagynda geçirilýär diýip, Nepalyň Daşary işler ministrligi beren beýanatynda habar berdi.

Premýer-ministr Şarma Oli bu maslahata Türkmenistanyň Prezidenti Serdar Berdimuhamedow hem-de Birleşen Milletler Guramasynyň Baş sekretary Antoniu Guterreş tarapyndan çagyryldy.

Nepalyň Hökümet Başlygy bu maslahatda çykyş eder, şeýle hem, maslahatyň çäklerinde geçirilen ugurdaş çärelere gatnaşar.

“Mundan başga-da, Premýer-ministr maslahatyň çäginde dürli ýurtlaryň wekiliýetleriniň ýolbaşçylary we BMG-nyň beýleki ýokary derejeli wekilleri hem-de beýleki halkara guramalaryň ýolbaşçylary bilen duşuşar”-diýdi beýanatda bellenildi.

Premýer-ministr Şarma Oliniň ýolbaşçylygyndaky wekiliýetiň düzüminde onuň maşgalasy Radhika Şakýa, baş geňeşçi Bişnu Rimal, Federal mejlis agzasy Sýurýa Bahadur Thapa Kşetri we beýleki ýokary derejeli hökümet işgärleri bar.

Premýer-ministr 8-nji awgustda Nepala gaýdyp barar.

Ýene-de okaň

Türkmenistan bilen Hytaý tehniki-ykdysady hyzmatdaşlyk ylalaşygyna gol çekdi

“Makul habar” elektron gazeti (33-sany)

Ata Watan Eserleri

Awazada taryhy üçtaraplaýyn duşuşyk: energetika we ulag hyzmatdaşlygy ösdüriler

Özbegistanyň Prezidentine köşekli arwana düýe sowgat berildi

Ata Watan Eserleri

Awazadaky taryhy üçtaraplaýyn duşuşyk: resminamalar toplumyna gol çekildi

Ata Watan Eserleri

Azerbaýjanyň Prezidentine ahalteke bedewini sowgat berildi

Ata Watan Eserleri