Amerikanyň tehnologiýa ägirdi “Microsoft Corp.” kompaniýasy ýene-de dünýäniň iň gymmat kompaniýasy boldy. Onuň bu ugurdaky esasy bäsdeşleriniň biri bolan “Apple Inc.” kompaniýasynyň paýnamalarynyň bahasy 23 göterim pese gaçdy.
Şeýlelikde, “Microsoft” kompaniýasynyň bazar bahasy 2.64 trillion dollara deň boldy. Şol döwürde “Apple” kompaniýasynyň görkezijisi bolsa, 2.59 trillion dollara deňdir.
Bilermenleriň baha bermegine görä, Hytaý Halk Respublikasyna goýlan gümrük paçlarynyň ýokary bolmagy “Apple” kompaniýasyna öz täsirini ýetirdi. “Apple” kompaniýasy özüniň önümleriniň ep-esli bölegini Hytaýdan import edýär.