ABŞ-nyň “Microsoft” korporasiýasy dünýäniň öňdebaryjy oýun işläp düzüjisi “Activision Blizzard Inc.” şereketini satyn alýar. Geleşigiň bahasy 68,7 milliard dollara barabardyr. Bu barada “Microsoft” korporasiýasynyň metbugat gullugy habar berýär.
– “Microsoft” korporasiýasy “Activision Blizzard” şereketiniň her bir aksiýasyny 95 dollardan satyn alýar. Geleşigiň umumy bahasy 68,7 milliard dollara deň bolar – diýlip, metbugat beýannamasynda bellenilýär. Geleşigiň 2023-nji ýylda doly tamamlanmagyna garaşylýar.
Şeýlelikde, “Microsoft” korporasiýasy “Tencent” we “Sony” kompaniýalaryndan soňra girdejisi boýunça dünýäde 3-nji iri kompaniýa bolar.
“Activision Blizzard” kompaniýasynyň ýolbaşçysy Bobbi Kotik öz wezipesini saklap galýar.
“Microsoft” korporasiýasy mobil enjamlar üçin oýun bazaryndaky ornuny has-da giňeltmek isleýär. “Activision Blizzard” kompaniýasynyň meşhur oýun işläp düzmekde baý tejribesiniň bardygy, olaryň işläp düzen “Candy Crush” oýny öz döwründe 2,5 milliard gezek ulanyjylar tarapyndan ýüklenip alyndy.
“Activision Blizzard” kompaniýasy – wideo oýun bazarynyň öňdebaryjysydyr. Ol “World of Warcraft”, “Call of Duty”, “Diablo”, “Guitar Hero” ýaly oýunlary bilen meşhurlyk gazandy.