Geýdar Aliýew gaznasynyň wise-prezidenti Leýla Aliýewa “Awaza” milli syýahatçylyk zolagynda geçirilen zenanlaryň jemgyýetdäki ornuna bagyşlanan halkara maslahatynyň çäklerinde Özbegistan Respublikasynyň Prezidentiniň Diwanynyň ýolbaşçysy Saida Mirziýoýewa bilen duşuşdy.
Duşuşykda Azerbaýjan bilen Özbegistanyň arasyndaky hyzmatdaşlyk gatnaşyklary, şol sanda Geýdar Aliýew gaznasynyň we Özbegistanyň “Zamin” halkara jemgyýetçilik gaznasynyň arasyndaky hyzmatdaşlygyň iki ýurduň ýokary derejedäki gatnaşyklaryna goşýan goşandy barada pikir alşyldy.
Şeýle hem Azerbaýjanyň hem-de Özbegistanyň ýokary derejeli wekiliýet ýolbaşçylary Türkmenistanda geçirilen halkara maslahatyň ähmiýetini belläp, zenanlaryň syýasy, ykdysady durmuşa işjeň çekilmegi, bu ugurda köptaraplaýyn hyzmatdaşlygyň we dialogyň giňeldilmegi nukdaýnazaryndan örän ähmiýetlidigi bellenildi.
Zenanlaryň dürli ugurlarda, şol sanda durnukly ösüşi üpjün etmek babatda ylym we saglygy goraýyş ulgamlaryndaky ornunyň pugtalandyrylmagynyň wajypdygy bellenilip geçildi.