Fransiýaly futbolçy Karim Benzema Saud Arabystanynyň «Al-Hilal» klubyna geçdi. Bu barada toparyň metbugat gullugy habar berdi.
38 ýaşly hüjümçi kluba erkin agent hökmünde goşuldy we 1,5 ýyllyk şertnama baglaşdy.
Mundan ozal, Benzema «Al-Ittihad» klubunda çykyş edipdi we geçen möwsümde şol topar bilen Saud Arabystanynyň çempionatynda çempion boldy.
Futbolçynyň karýerasynyň esasy bölegi Madridiň «Real» klubunda geçdi. Ol ýerde Benzema jemi 25 kubok gazandy. Ispan klubundaky üstünlikleriniň arasynda — dört gezek Ispaniýanyň çempiony bolmagy, bäş gezek Çempionlar ligasynda ýeňiş gazanmagy hem-de bäş gezek Klublaýyn dünýä çempionatynyň kubogyny almak bar.
2022-nji ýylda Karim Benzema «Altyn top» baýragyna eýe boldy. Ol Fransiýanyň milli ýygyndy toparynda 2007–2015-nji ýyllarda hem-de 2021–2022-nji ýyllarda çykyş etdi. Milli toparyň düzüminde futbolçy UEFA-nyň Milletler ligasynyň 2020/2021 möwsüminde ýeňiji boldy we 2022-nji ýyldaky dünýä çempionatynda kümüş medal gazandy.