Adyňdadyr abyraýyň agramy,
Röwşen ýoluň ýedi yklyma ýaýrady,
Kerem ýerleň ykbal üzre baýragy,
Asman ýyldyzlarynyň hadysysyň sen.
Dessanlara dönen tarypysyň sen.
Aýdym bolup heňňama heň getiren
Goja dünýäň juwan taryhysyň sen.
Şäheri sen şöhratlaryň, şanlaryň,
Ägirtleň mesgeni, çag bu çaglaryň,
Hemem yhlasyndan dörän şalaryň,
Eýýamlaryň hakydasy-asly sen.
Rowaçlygyň täze gelen pasly sen.
Il-ulusyň ýüze sylyp, diýdigi:
―Arşyň Aýy, gögüň Güni misli sen.
Ynam tapýar sende ýaşlar galkyna,
Laýyksyň sen ata ýurduň kalbyna,
Her gün bäş wagtyna baş dileg bolup,
Azanlary metjidinden ýaňlanjak
Mukaddes künjeksiň eziz halkyňa.
Gözlere däl, göwünlere düşensiň,
Ömrüň günlerine güller düşelsin,
Zer diýilse sen ýadyma düşersiň,
Belent işleň bir bitewi dergähi.
Arşdaky behişdiň keşbi ýerdäki.
Şäherim «Arkadag», sarpam Arkadag!
Ylhama duş etdiň ruhy teşnäňi.
Ysmaýyl Muhammetdurdyýew,
Mary welaýatynyň Sakarçäge etrabynyň ýaşaýjysy.