Hindistan 23-nji awgusty, «Çandraýan-3» missiýasynyň modulynyň Aýa gonan gününi Milli kosmonawtika güni diýip yglan etdi. Bu barada Respublikanyň Premýer-ministri Narendra Modi habar berdi. Modi zenanlaryň hem Hindistanyň kosmos maksatnamasyna gatnaşmagynyň möhümdigini belledi.
– Bu günki günde biziň ýurdumyz ylymda we tehnikada öňe barýar. Biziň ýaş neslimiziň ylym, tehnika we kosmos ulgamlarynda has köp yly-barlag işlerini geçirmegi gazanmak maksady bilen 23-nji awgusty – Milli kosmos güni hökmünde yglan etmegi makul bildik – diýip, Modi belläp geçýär.
«Çandraýan-3» missiýasy moduly Ýeriň hemrasy bolan Aýyň günorta bölegine üstünlikli gondy. Şeýlelikde, Hindistan Aýa kosmos enjamyny gonduran 4-nji döwlet boldy. Russiýa, ABŞ we Hytaý ýaly döwletler bilen kosmos ulgamynda bäsleşjek ýurtlaryň birine öwrülen Hindistanyň «Çandraýan-3» missiýasy moduly Aýdan ilkinji suratlaryny iberdi.