Russiýanyň “Spartak” topary baş tälimçisi Gilýermo Abaskal bilen şertnamasynyň möhletini uzaltdy. Moskwanyň topary 33 ýaşly tälimçi bilen 2025-nji ýylyň tomsuna çenli işleşmegi maksat edindi.
Ispan hünärmeni 2022-nji ýylyň tomsunda rus toparyna tälimçi hökmünde wezipä bellenipdi. Onuň ýolbaşçylygynda rus topary 24 resmi duşuşykda 15 ýeňiş gazandy we 6 gezke ýeňildi.
Russiýanyň milli çempionatynda 17-nji tapgyryň ahyrynda “Spartak” topary ikinji orunda barýar we çempionatyň kerwenbaşysy “Zenit” toparyndan 6 utuk yzda galýar.
Şeýle hem bu topar Russiýanyň kubogy ugrundaky ýaryşda hem 1/4 finala çykdy.
