DÜNÝÄ

Gazak atşynasyna «Türkmenistanyň at gazanan atşynasy» diýen hormatly adyň nyşany berildi

Türkmenistanyň Gazagystan Respublikasyndaky Adatdan daşary we Doly ygtyýarly ilçisi Batyr Rejebow Gazagystanyň «Ahal-Teke» ahalteke atçylyk hojalygynyň başlygy Dik Ýakowa «Türkmenistanyň at gazanan atşynasy» diýen hormatly adyň nyşanyny gowşurdy. Bu barada Türkmenistanyň Gazagystandaky ilçihanasy habar berdi.

6-njy sentýabrda Türkmenistanyň Almaty şäherindäki diplomatik wekilhanasy «Türkmen jemgyýetçilik we medeni merkezi» birleşiginde hormatly adyň Şahadatnamasyny we nyşanyny gowşurmak dabarasyny gurady. Habar berlişi ýaly, çärä ýerli türkmenler hem gatnaşdylar.

Ýeri gelende bellesek, Türkmen bedewiniň milli baýramy mynasybetli, milli baýlygymyz we guwanjymyz bolan ahalteke bedewlerini ösdürip ýetişdirmekde hem-de olaryň tohumlyk we önümçilik sypatlaryny gorap saklamakda bitiren hyzmatlaryny göz öňünde tutup, şu ýylyň aprel aýynda Dik Ýakowa «Türkmenistanyň at gazanan atşynasy» diýen hormatly at berilipdi.

Related posts

TOPH gaz geçirijisi: türkmen-hindi we türkmen-pakistan pudagara topary dörediler

Türkmenistanyň wekiliýeti Belarusyň teleýaýlym we radio kompaniýalarynyň ýolbaşçylary bilen duşuşdy

Eýranyň Türkmenistandaky ilçisi: 35 ýylda 260-dan gowrak hyzmatdaşlyk resminamasyna gol çekildi