Gazagystan Respublikasy 2022-nji ýylda Garaşsyz Döwletleriň Arkalaşygyna (GDA) başlyklyk eder. Şu gün Garaşsyz Döwletleriň Arkalaşygynyň düzümine girýän döwletleriň hökümet Baştutanlarynyň geňeşiniň mejlisi geçirildi.
GDA-nyň çäginde ykdysady hyzmatdaşlygyň möhüm meseleleri ara alnyp maslahatlaşyldy. Duşuşykdan soň GDA agza ýurtlaryň arasynda maglumat we telekommunikasiýa ulgamlarynda awtorlyk hukugynyň desgalaryny goramak babatda hyzmatdaşlyk barada ylalaşyk kabul edildi.
GDA agza ýurtlaryň arasynda innowasion hyzmatdaşlyk babatda döwletara maksatnamasynyň durmuşa geçirilmegine degişli ugurda ylalaşyk gazanyldy.
– Pandemiýa döwletlerimiz we bütin dünýä üçin çynlakaý synag boldy we işewürlik işjeňliginiň azalmagyna sebäp boldy. Şeýle-de bolsa, Arkalaşygyň ýurtlarynyň ykdysadyýeti kem-kemden dikelýär. Şu ýylyň birinji ýarymynda özara söwda takmynan 27%, daşary söwda dolanyşygy ýokarlandy. Arkalaşygyň jemi içerki önüminiň göwrümi takmynan 4,5% artdy. Vük gatnawy we senagat önümçiligi ösýär – diýlip, çykyşlarda bellenildi.
Şeýle hem GDA-nyň çäklerinde 2022-nji ýyl – Halk sungaty we medeni miras ýyly mynasybetli çäreleriň meýilnamasy tassyklandy.
2022-nji ýylda Gazagystan Respublikasy GDA başlyklyk eder. Garaşsyz Döwletleriň Arkalaşygynyň düzümine girýän döwletleriň hökümet Baştutanlarynyň nobatdaky mejlisi 2022-nji ýylyň maýynda Nur-Sultan şäherinde geçirmek meýilleşdirildi.
Bu gezekki sanly ulgam arkaly geçirilen mejlise – Azerbaýjanyň Premýer-ministri Ali Idaýat ogly Asadow, Belarusyň Premýer-ministri Roman Golowçenko, Gyrgyz Respublikasynyň Ministrler Kabinetiniň Başlygy Akylbek Žaparow, Moldowanyň Premýer-ministri Natalýa Gawrilisa, Russiýanyň Premýer-ministri Mihail Mişustin, Tajigistanyň Premýer-ministri Kohir Rasulzoda, Özbegistanyň Premýer-ministri Abdulla Aripow, Ermenistanyň Premýer-ministriniň orunbasary Mger Grigorýan we Türkmenistanyň Ministrler Kabinetiniň Başlygynyň orunbasary Çarymyrat Purçekow gatnaşdy.
Bu barada GDA-nyň metbugat gullugy habar berýär.
Ozal hem habar berşimiz ýaly, düýn Russiýanyň paýtagty Moskwa şäherinde Garaşsyz Döwletleriň Arkalaşygynyň düzümine girýän döwletleriň goranmak ministrleriniň geňeşiniň mejlisi geçirildi.
Hormatly Prezidentimiz Türki geňeşiniň täze binasynyň açylyş dabarasyna gatnaşdy