Fransiýanyň “Pari-Sen-Žermen” topary Angliýanyň “Liwerpul” toparynyň müsürli hüjümçisi Mohamed Salaha hepdelik 500 müň ýewro zähmet hakly 3 ýyllyk şertnama teklip etdi. Bu barada metbugat neşirleri habar berýär.
Futbolçynyň iňlis topary bilen häzirki şertnamasynyň möhleti 2025-nji ýylyň tomsunda tamamlanýar. Berilýän habara görä, “Liwerpul” topary müsürli futbolçysyna hepdelik 400 müň ýewro zähmet hakly 2 ýyllyk täze şertnama teklip etmegi meýilleşdirýär.
32 ýaşyndaky Salah 2017-2018-nji ýyldan bäri “Liwerpul” toparynda çykyş edip gelýär. Müsürli futbolçy iňlis topary bilen Angliýanyň çempiony boldy, Angliýanyň Kubogyny we Superkubogyny, Çempionlar ligasynyň kubogyny hem-de UEFA-nyň Superkubogyny gazandy.
Häzirki möwsümde Salah 18 duşuşykda 17 gol geçirip, iň gowy netijeleriniň birini görkezýär.