Birleşen Arap Emirlikleriniň Dubaý şäherinde “Dubai Airshow 2023” atly halkara awia-kosmos sergisi öz işine başlady. 13-17-nji noýabr aralygynda geçirilýän bu sergä dünýäniň köp sanly ýurdundan awia-kosmos pudagynda iş alyp barýan hem-de önüm öndürijileriň 1.4 müňden gowragy gatnaşýar.
Öz ugry boýunça dünýäniň iň iri sergileriniň biri hasaplanýan “Dubai Airshow 2023” sergisi Al-Maktum aerodromynyň çäginde guralýar.
Häzirki wagtda bu sergi 2 ýylda bir gezke geçirilýär. Ol “Tarsus Group” tarapyndan guralyp, onda uçýan dürli görnüşli enjamlar hem-de kosmos gämileri, emeli hemralar we aragatnaşyk tilsimatlary görkezilýär.
Bu sergi öz gözbaşyny 1986-njy ýylda geçirilen “Arab Air” awiasiýa sergisinden alyp gaýdýar. Şondan soňrabu sergä döwrebap at berlip, ony BAE-niň iri raýat awiasiýasynyň desgalarynyň biri bolan Dubaýyň halkara howa menziliniň çäginde geçirilip başladylar.
Sergi her ýyl köp sanly kompaniýalary özünde jemleýär. 2013-nji ýylda bu serginiň çäklerinde şertnamalary baglaşmak boýunça rekord goýuldy. Şonda 206.1 milliard dollar möçberinde şertnamalar baglaşylypdy.