BILIM

Daşary ýurtly talyplar onlaýn okar

Russiýa Federasiýasynyň uniwersitetlerinde ýokary bilim alyp ýören we wagtlaýyn Watana gaýdyp gelen türkmenistanly talyplar 1-nji sentýabrda başlajak okuwlara onlaýn gatnaşyp bilerler. Russiýanyň Bilim we ylym ministrligi halkara uçar gatnawlary boýunça wagtlaýyn çäklendirmeler ýatyrylýança, daşary ýurtly talyplara onlaýn okamaga rugsat berdi.

Serhetler we halkara uçar gatnawlary açylansoň, talyplar okaýan uniwersitetine dolanyp baryp, doly okuw tertibine geçip bilerler. Ýöne Russiýa dolanyp baran daşary ýurtly talyplaryň ählisinde koronowirus ýokanjy boýunça lukmançylyk barlagynyň netijeleri we 14 günlük karantin çäreleri talap ediler.

Maglumatlara, görä, geçen okuw ýylynda Russiýada 297 993 sany daşary ýurtly talyp okady. Olaryň köpüsi Gazagystanyň, Türkmenistanyň, Özbegistanyň, Hytaýyň, Täjigistanyň, Ukrainanyň, Hindistanyň, Belarusyň, Azerbaýjanyň we Gyrgyzystanyň raýatlarydyr.

Ýene-de okaň

ABŞ-nyň Kent döwlet uniwersitetiniň wekiliýetiniň Aşgabada sapary

Türkmenistanyň ýokary okuw mekdepleriniň 14-si «THE Impact Rankings-2025» dünýä reýtinginiň sanawynda orun aldy

Türkmen döwlet uniwersiteti ýokary okuw mekdepleriniň bütindünýä reýtingine goşuldy

Ýapon gaznasy Halkara nebit we gaz uniwersitetine kitap sowgat etdi

Türkmen okuwçylary XCEL olimpiadasyndan baýrakly dolandylar

Ata Watan Eserleri

Ýaponiýanyň ilçisi Türkmenistanyň ýokary okuw mekdeplerine täze kitaplary gowşurdy