Ýewropanyň öňdebaryjy futbol çempionatlarynda çempionlar belli bolup başlady. Angliýada “Mançester Siti”, Ispaniýada “Barselona”, Italiýada “Napoli” çempion bolan bolsa, Germaniýanyň milli çempionatynda çempion soňky tapgyrda mälim boldy.
Çempionatyň 34-nji tagyrynda “Kýoln” toparyny 2:1 hasabynda utup, “Bawariýa” topary 11-nji gezek yzly-yzyna çempionlygyny yglan etdi. Şeýlelikde, nemes topary umumylykda 33-nji çempionlygyny baýram etdi. “Bawariýa” çempionlykda Ýewropanyň öňdebaryjy çempionatlarynda rekord goýdy.
Tomas Tuheliň tälimçiliginde “Bawariýa” topary jemleýji tapgyryň duşuşygyna birinji orunda barýan “Borussiýa Dortmund” toparyndan 2 utuk yzda barýardy. Ýeňiş “Bawariýa” çempionlyk getirdi. Onuň esasy bäsdeşi “Borussiýa Dortmund” topary bolsa “Maýnz” toparyny bilen 2:2 hasabynda deňme-deň oýnady.
11 gezek yzly-yzyna çempion bolan “Bawariýa” çempionlykda Ýewropanyň öňdebaryjy çempionatlarynda rekord goýdy. Italiýada “Ýuwentus” topary yzly-yzyna 9 gezek çempion bolupdy.