Azerbaýjan Respublikasynyň ylym we bilim ministriniň orunbasary Firudin Gurbanow Türkmenistanyň Aşgabat şäherinde saparda boldy.
Saparyň dowamynda ministriniň orunbasary Türkmenistanyň bilim ministri Jumamyrat Gurbangeldiýewiň çakylygy bilen Magtymguly adyndaky Türkmen döwlet uniwersitetinde mekdep okuwçylarynyň arasynda geçirilýän 3-nji Halkara matematika olimpiadasynyň açylyş dabarasyna gatnaşdy.
Olimpiadanyň çäklerinde Firudin Gurbanow okuwçylaryň ýaýbaňlandyrylan sergisi bilen tanyşdy.
Olimpiadanyň açylyş dabarasynda çykyş eden ministriniň orunbasary Azerbaýjan bilen Türkmenistanyň arasyndaky dostlukly gatnaşyklar, ylym we bilim ulgamyndaky hyzmatdaşlyk barada gatnaşyjylara maglumat berdi. Çykyşynyň dowamynda Firudin Gurbanow okuwçylaryň ösüşinde intellektual oýunlaryň we bilim bäsleşikleriniň tutýan ornuny aýratyn nygtady.
Olimpiadanyň açylyş dabarasyndan soň, ministriň orunbasary Magtymguly adyndaky Türkmen döwlet uniwersitetiniň ýolbaşçylary bilen duşuşyp, uniwersitetiň muzeýine, şeýle hem ajaýyp akyldar we şahyr Magtymguly Pyragy üçin bagyşlanan burça baryp gördü.
3-nji Halkara matematika olimpiadasynyň açylyş dabarasyna, şeýle hem Magtymguly adyndaky Türkmen döwlet uniwersitetiniň ýolbaşçylary bilen duşuşykda Azerbaýjan Respublikasynyň Turkmenistandaky Adatdan daşary we Doly ygtyýarly ilçisi Gismat Gozalowyň hem gatnaşandygyny bellemeli.