Azerbaýjan bilen Türkmenistan ykdysadyýet, söwda, energetika, ulag, oba hojalygy, azyk howpsuzlygy, daşky gurşawy goramak hem-de suw düzümi ulgamlarynda hyzmatdaşlyk etmek boýunça teswirnama gol çekdiler.
“Report” agentliginiň habar bermegine görä, bu barada Azerbaýjanyň ykdysadyýet ministri Mikail Jabbarow “X” sosial torundaky sahypasynda habar berdi.
Türkmenistana amala aşyran iş saparynyň çäklerinde ministr Türkmenistanyň Ministrler Kabinetiniň Başlygynyň orunbasary, Hökümetara toparynyň türkmen tarapyndan başlygy Nökerguly Atagulyýew bilen bilelikde Azerbaýjan–Türkmenistan Hökümetara toparynyň 9-njy mejlisine gatnaşdy.
“Mäjlisiň dowamynda ykdysady hyzmatdaşlygy giňeltmek meselelerini ara alyp maslahatlaşdyk hem-de eksport ugurlaryny diwersifikasiýalaşdyrmak maksady bilen ikitaraplaýyn Işewürler geňeşini döretmek başlangyjy bilen çykyş etdik. Duşuşygyň jemleri boýunça ykdysadyýet we söwda, energetika, ulag, oba hojalygy, azyk howpsuzlygy, daşky gurşawy goramak, suw düzümi hem-de beýleki ileri tutulýan ugurlarda hyzmatdaşlygy pugtalandyrmagy göz öňünde tutýan teswirnama gol çekdik” diýip, Jabbarow belläp geçdi.