Türkmenistanyň Gazagystandaky ilçisi Batyr Rejepow Astana şäheriniň häkiminiň orunbasary Baýken Eset Berikuly bilen duşuşdy. Duşuşykda türkmen şahyry Magtymguly Pyragynyň heýkelini Astana şäherinde oturtmak babatda pikir alşyldy. Bu babatda degişli ylalaşyk Türkmenistanyň Prezidentiniň Gazagystan Respublikasyna 2022-nji ýylyň 14-nji oktýabrynda amala aşyran döwlet saparynda gazanylypdy.
Türkmenistanyň Gazagystandaky ilçihanasynyň resmi saýtyndaky habara gşrä, türkmen tarapy duşuşyga gatnaşyjylary Magtymguly Pyragynyň doglan gününiň 300 ýyllygy mynasybetli 2024-nji ýylda Türkmenistanda we onuň çäginiň daşynda geçiriljek çäreler barada maglumat berdi. Türkmen şahyrynyň Astanada heýkelini dikeltmegiň iki ýurduň arasyndaky gatnaşyklaryň taryhynda möhüm tapgyr hökmünde kesgitlendi.
Şeýle hem duşuşykda mundan soňra amala aşyryljak işler barada pikir alşyldy.