Ýurdumyzyň çempiony “Arkadag” topary AFK-nyň Çagyryş ligasynda toparçasynda birinji orny eýeläp, çärýek finala çykdy. Türkmenistanyň çempionynyň çärýek finaldaky garşydaşy Hindistanyň “East Bengal” topary boldy.
Mälim bolşy ýaly, “Arkadag” topary 26-njy oktýabrda AFK-nyň Çagyryş ligasynyň duşuşyklaryna girişip, Maldiw adalarynyň «Maziýa» toparyny 2:1 hasabynda ýeňdi. Soňra Gyrgyzystanyň “Abdyş-Ata” toparyny 2:0 hasabynda utan “Arkadag” topary çärýek finala çykmagy başardy.
Ýurdumyzyň çempiony AFK-nyň Çagyryş ligasynda “B” toparçasynda Maldiw adalarynyň «Maziýa» topary, Gyrgyzystanyň “Abdyş-Ata” topary hem-de Kuweýtiň “Al-Arabi” topary bilen bäsleşdi.
Bu toparçadan “Arkadag” bilen “Al-Arabi” topary ýoluny dowam etdirýär. Çärýek finalda “Arkadag” topary Hindistanyň “East Bengal” topary bilen, “Al-Arabi” bolsa, Omanyň “Al-Seeb” topary bilen duşuşar.