Türkmenistanyň çempionatynyň 8-nji tapgyrynyň çäklerinde «Altyn asyr» futbol topary öz öýünde «Arkadag» futbol toparyny kabul etdi.
Oýun ilkinji pursatlaryndan iki derwezäde ýiti hüjümler bilen başlanmagy duşuşygyň çekeleşikli geçjekdigini mälim etdi. Yzygider derwezelere urulýan pökgileri derwezeban gaýtarsa-da, golsuz galynmady.
Oýnuň 18-nji minudynda «Altyn asyr» futbol toparynyň oýunçysy Azat Annaýew hasaby açmagy başardy.
«Arkadag» futbol topary muňa garamazdan, hüjümleriniň sanyny artdyryp başlady.
47-nji minutda «Arkadag» futbol toparynyň oýunçysyAbdy Bäşimow hasaby 1:1 etdi. Oýnuň tamamlanmagyna sähelçe wagt galanda (90+3) ýene bu toparyň oýunçysy Şanazar Tirkişow derwezeden ikinji pökgini geçirdi.
Netijede, «Arkadag» futbol topary çempionatda ilkinji ýeňil bolmadyk duşuşygynda «Altyn asyry» 2:1 hasap bilen ýeňdi. Netijede çempionatda 21 utuk toplady.