2026-njy ýylda geçiriljek futbol boýunça dünýä çempionatynyň saýlama duşuşyklarynyň 14-nji tapgyrynda Argentina bilen Braziliýa duşuşdy. Duşuşyk 4:1 hasabynda Argentinanyň peýdasyna tamamlandy. Bu duşuşykda argentin ýyldyzy Lionel Messiniň çykyş etmändigini hem bellemek bolar.
Şeýlelikde, Argentina dünýä çempionatyna gatnaşmak hukugyna eýe boldy. Argentinanyň paýtagty Buesnos-Aýresdäki “Mas Monumental” stadionynda geçirilen duşuşykda 2022-nji ýylyň dünýä çempiony Argentinanyň düzüminde Hulian Alwares, Enzo Fernandes, Makkalistir hem-de Juliano Simoeno öz adyna ýazdyrdy.
11 ýyldan soňra Brazliýa ýene-de öz derwezesinden köp gol geçirtdi. Mundan ozal, 2014-nji ýylyň dünýä çempionatynda Braziliýa 7:1 hasabynda Germaniýadan uly hasap bilen ýeňlipdi.
Argentina wagtyndan öň dünýä çempionatyna gatnaşmak hukugyna eýe boldy. Braziliýa 21 utuk bilen 4-nji orunda barýar. Dünýä çempionatyna Günorta Amerikadan 6 milli ýygyndy gönüden-göni gatnaşmak hukugyna eýedir.