Türkmenistanyň Arbitraž iş ýörediş kodeksiniň rejelenen görnüşini kabul ediler, Raýat Kodeksiniň kämilleşdiririlen rejelenen görnüşi taýýarlanar we bu Kodeksde halkara hususy hukugynyň kadalary beýan ediler. Bular barada Ruhyýet Köşgünde hormatly Prezidentimiz Gurbanguly Berdimuhamedowyň ýurdumyzyň deputatlar düzümi bilen duşuşygynda aýdyldy.
Şonda, Arbitraž kazylary tarapyndan jedellere seretmegiň tejribesini öwrenmegiň möhüm ähmiýetini nazara alyp, Arbitraž iş ýörediş kodeksiniň rejelenen görnüşini kabul etmek boýunça degişli işleri geçirmek zerurdyr diýip, milli Liderimiz belledi.
Bulardan başga-da, Raýat kodeksiniň kämilleşdirilen, rejelenen görnüşini taýýarlamak boýunça işi dowam etmeli. Şonuň bilen birlikde, döwrüň talaplaryndan we oňyn halkara tejribesinden ugur alyp, Kodeksde halkara hususy hukugynyň kadalary hem beýan edilse, maksadalaýyk bolardy diýip, hormatly Prezidentimiz nygtady.
Sanly ykdysadyýeti ösdürmek: Intellektual mümkinçilikler