Hindistanda öňdebaryjy global “Air India” awiakompaniýasy “Airbus A350”, “Boeing 787-9” hem-de “Airbus A321neo” uçarlarynyň käbirinde içerki we halkara uçuşlarda kabelsiz Wi-Fi hyzmatlaryny hödürläp başlandygyny mälim etdi.
Bu dynç alyş ýa-da iş maksatly awiakompaniýanyň uçar gatnawlaryndan peýdalanýan ýolagçylara uçuş wagtynda internete girip, sosial ulgamlara girmekden hem-de SMS ibermek hyzmatyndan peýdalanmak mümkinçiligine eýe bolar.
“Baglanyşyk häzirki zaman syýahatynyň aýrylmaz bölegidir. Käbirleri üçin hakyky wagt alyş-çalşygynyň amatlylygy, beýlekiler üçin has ýokary öndürijilik. Maksat haýsy bolsa-da, ýolagçylarymyzyň aragatnaşygyň gadryny biljekdigine we bortda täze “Air India” tejribesinden lezzet aljakdygyna ynanýarys “-diýlip, metbugat beýanatynda bellenilýär.
Uçardaky Wi-Fi hyzmatyndan “iOS” ýa-da “Android” ulgamlary bilen işleýän noutbuklar, planşetler we smartfonlar üçin elýeterli bolar. Mundan başga-da, Wi-Fi-a birnäçe enjam birikdirilip bilner.
“Air India” bu hyzmaty kem-kemden flotundaky beýleki uçarlarda hödürlär.