Halkara ynsanperwer ylymlary we ösüş uniwersitetinde 2020-nji ýylyň 7-14-nji maý aralygynda “Açyk gapylar” güni bellenildi.
“Açyk gapylar” gününiň ilkinji gününde, ýagny açylyş dabarasynda uniwersitetiň okuw bölüminiň müdiri Nazar Mammedow dabarany açyp berdi. Dabaranyň dowam edýän pursatlarynda bilime, ylma höwesli ýaş zehinlere hormatly Prezidentimiziň Berkarar döwletimiziň bagtyýarlyk döwründe talyp ýaşlar üçin edýän taýsyz aladalary, ýokary bilim ulgamynda gazanylýan uly üstünlikler, ýeňişler, şeýle hem uniwersitetde taýýarlanylýan hünärler, medeni köpçülik çäreler barada giňişleýin gürrüň berildi.
Çärede ýaş zehinleriň başarnyklaryny, ukyplaryny ýüze çykarmak maksady bilen dürli sowgatly oýunlar guraldy. Olara dürli wideo şekilleri görkezildi.
“Açyk gapylar“ gününiň ýapylyş dabarasy hem şeýle şowhunly pursatlar bilen dowam etdi. Okuwa girmäge isleg bildirýän ýaşlar özlerini gyzyklandyrýan sowallara hem jogap aldylar. Bu bolsa ýaş zehinlerde geljekde okamaga, döretmäge has hem höweslendirendir diýip umyt edýäris.
Gülşat Ahunowa,
Halkara ynsanperwer ylymlary we ösüş uniwersitetiniň
žurnalistika hünäriniň talyby