BILIM

Abdullah Eren türkmen uniwersitetlerinde duşuşyklar geçirdi

 Halkara ynsanperwer ylymlary we ösüş uniwersitetinde Türkiýäniň Daşary ýurtlardaky türkler we garnydaş jemgyýetler edarasynyň başlygy Abdullah Ereniň ýolbaşçylygyndaky wekiliýetiň gatnaşmagynda duşuşyk geçirildi. Ýokary okuw mekdebiniň ýolbaşçylary Türkmenistana bolan saparynyň çäklerinde uniwersitete gelmäge wagt tapandygy üçin Türkiýäniň Daşary ýurtlardaky türkler we garnydaş jemgyýetler edarasynyň başlygy Abdullah Erene minnetdarlyk bildirdi. Duşuşygyň dowamynda myhmana uniwersitetiň taryhy, gurluşy, amala aşyrýan halkara hyzmatdaşlygy, alyp barýan ylmy işleri barada giňişleýin gürrüň berildi.

Öz gezegine Türkiýäniň Daşary ýurtlardaky türkler we garnydaş jemgyýetler edarasynyň başlygy hoşniýetli arzuwlar hem-de uniwersitetde mähirli kabul edilendigi üçin hoşallygyny beýan etdi. Türkmenistanyň we Türkiýäniň ýokary okuw mekdepleriniň arasynda özara bähbitli ikitaraplaýyn hyzmatdaşlygy, şol sanda talyp alyş-çalyş maksatnamalaryny ýola goýmak we ösdürmek özüniň alyp barýan işiniň ileri tutulýan ugurlarynyň biridigini aýratyn belläp geçdi. Türkiýäniň Daşary ýurtlardaky türkler we garnydaş jemgyýetler edarasynyň başlygy Halkara ynsanperwer ylymlary we ösüş uniwersiteti bilen Türkiýäniň ýokary okuw mekdepleri bilen degişli ugurlar boýunça hyzmatdaşlygy ýola goýmaga taýýardygyny nygtady we bu babatda diplomatik ýollaryň üsti bilen degişli işleriň amala aşyryljakdygy barada belledi.

Duşuşygyň dowamynda Halkara ynsanperwer ylymlary we ösüş uniwersitetiniň alyp barýan halkara hyzmatdaşlygynyň çäklerinde bellenen tertipde ylalaşylan ýagdaýynda Türkiýäniň degişli ýokary okuw mekdepleri bilen mugallym we talyp alyş çalyş, şeýle hem bilelikde ylmy-barlag işleri alyp barmaklygy gurnap boljakdygy barada hem belläp geçdi.

Ýene-de okaň

Jon Smit talyp haky maksatnamasy kabul edişlik başlady

Tomusky dynç alyş möwsümi başlady

Aşgabatda pars dili kurslarynyň tomusky möwsümi başlanýar

Ata Watan Eserleri

Gyrgyzystanda mugallymlar ilkinji gezek emeli aňy kömekçi hökmünde ulanarlar

Ylym-bilim ulgamyndaky halkara tejribeler

Ata Watan Eserleri

BAE-niň ilçisi Halkara nebit we gaz uniwersitetinde okuw sapagyny geçirdi