Düýn Amsterdam şäherinde Milletler ligasynyň 2020 ― 2021-nji ýyllardaky möwsüminiň bije çekilişik dabarasy boldy. Ýewropanyň milli ýygyndylary üçin ýoldaşlyk duşuşyklary ýaly hyzmat etjek we ýygyndylaryň öz derejelerini bilmäge hem-de ýokarlandyrmaga ýardam etjek bu ýaryş indi ikinji gezek geçirilýär.
Nobatdaky ýaryş, şol bir wagty özünde 2022-nji ýylda Katarda geçiriljek dünýä çempionaty bilen bagly bolar. Diýmek, Milletler ligasynda gazanyljak netije Ýewropa ýygyndylarynyň dünýä çempionatyna gatnaşyp-gatnaşmazlygyna hem täsirini ýetirer.
Halkara ýaryşa Ýewropanyň 55 döwletiniň futbol ýygyndylary gatnaşar. Täze ýaryşda ozalky ýaryşa görä biraz üýtgeşme bolar. Ýagny «A», «B» hem-de «C» ligalarynyň her birini 16 ýygyndy emele getirse, «D» ligada 7 ýygyndy ýaryşar.
Milletler ligasynyň ilkinji çempionynyň Portugaliýanyň ýygyndysy bolandygyny ýatladýarys.
Indi bolsa Milletler ligasynyň 2020 ― 2021-nji ýyllar üçin möwsüminiň bije çekilişiginiň netijeleri bilen tanyş boluň!
«А» ligasy
Birinji toparça: Polşa, Bosnýa we Gersegowina, Italiýa, Niderlandiýa.
Ikinji toparça: Islandiýa, Daniýa, Belgiýa, Angliýa.
Üçünji toparça: Horwatiýa, Şwesiýa, Fransiýa, Portugaliýa.
Dördünji toparça: Germaniýa, Ukraina, Ispaniýa, Şweýsariýa.
«B» ligasy
Birinji toparça: Rumyniýa, Demirgazyk Irlandiýa, Norwegiýa, Awstriýa.
Ikinji toparça: Ysraýyl, Slowakiýa, Şotlandiýa, Çehiýa.
Üçünji toparça: Russiýa, Wengriýa, Türkiýe, Serbiýa.
Dördünji toparça: Bolgariýa, Irlandiýa, Finlandiýa, Uels.
«C» ligasy
Birinji toparça: Azerbaýjan, Lýuksemburg, Kipr, Çernogoriýa.
Ikinji toparça: Ermenistan, Estoniýa, Demirgazyk Makedoniýa, Gruziýa.
Üçünji toparça: Moldowa, Sloweniýa, Kosowo, Gresiýa.
Dördünji toparça: Gazagystan, Litwa, Belarus, Albaniýa.
«D» ligasy
Birinji toparça: Malta, Andorra, Farer adalary, Latwiýa.
Ikinji toparça: San-Marino, Gibraltar, Lihtenşteýn.
UEFA-nyň Milletler ligasynyň senenamasy:
Birinji tapgyr: 2020-nji ýylyň 3—5-nji sentýabry.
Ikinji tapgyr: 2020-nji ýylyň 6—8-nji sentýabry.
Üçünji tapgyr: 2020-nji ýylyň 8—10-njy oktýabry.
Dördünji tapgyr: 2020-nji ýylyň 11—13-nji oktýabry.
Bäşinji tapgyr: 2020-nji ýylyň 12—14-nji noýabry.
Altynjy tapgyr: 2020-nji ýylyň 15—17-nji noýabry.
Final bölegi: 2021-nji ýylyň 2, 3 we 6-njy iýuny.
Saýlama duşuşyklar: 2022-nji ýylyň 24, 25, 28 we 29-njy marty.