Matematika boýunça täsin ukybyň eýesi Ýaşa Asleý dünýäde iň ýaş professor diýlip yglan edildi. Ol häzir Lester uniwersitetinde özünden uly talyplara sapak berýär.
«Ilkinji dersinde talyplar onuň özlerini okatjakdygyna ynanmadylar» diýip, Internet sahypalarynda ýazylýar. Ýöne wagt dünýäniň iň ýaş professorynyň çäksiz ukybyny subut etdi.
Ol häzir 14 ýaşynda. Uniwersitetde hem ders berýär, hem-de okaýar. Ýaşa Asleý Lester uniwersitetine 13 ýaşyndaka talyplyga kabul edilipdi. Eýýäm ol bütin dünýäde «kalkulýator» lakamy bilen meşhurlyk hem gazanyp ýetişdi.