Ispaniýanyň milli ýygyndysynyň we «Barselona» futbol klubunyň goragçysy Pau Kubarsi 21 ýaşdan uly bolmadyk Ýewropanyň iň gowy futbolçysyna gowşurylýan «Golden Boy» baýragyna mynasyp boldy. Bu barada baýragy esaslandyran «Tuttosport» neşiri habar berdi.
Geçen möwsümde Kubarsi Ispaniýanyň çempiony boldy, ýurduň Kubogyny gazandy we dünýä çempionatynda ýeňiji boldy.
«Golden Boy» baýragy 2003-nji ýylda Italiýanyň «Tuttosport» gazeti tarapyndan esaslandyryldy. Bu baýrak her ýyl Ýewropa ýurtlarynyň futbol çempionatlarynyň ýokary ligalarynda çykyş edýän, 21 ýaşa ýetmedik iň gowy futbolça gowşurylýar.
2024-nji ýylda bu baýraga «Barselonanyň» ispaniýaly hüjümçisi Lamin Ýamal mynasyp bolupdy.