AFK Elit Çempionlar ligasynyň 2025/2026 möwsüminiň finaly tamamlandy. Saud Arabystanynyň «Al-Ahli» we Ýaponiýanyň «Maçida Zelwiýa» toparlarynyň arasynda geçirilen AFK Elit Çempionlar ligasynyň 2025/2026 möwsüminiň final duşuşygy tamamlandy. Bu oýunda 1:0 hasaby bilen Saud Arabystanynyň topary ýeňiş gazandy.
Duşuşyk Jidda şäherindäki (Saud Arabystany) «King Abdulla Sports Siti» stadionynda geçirildi. Oýnuň baş emini bolup özbegistanly Ilgiz Tantaşew çykyş etdi.
Oýun barada:
-
68-nji minut: «Al-Ahli» toparynyň oýunçysy Zakariýa Hausaui gyzyl kart aldy.
-
90+6-njy minut: Saud toparyndan Mohammed Abdulrahman meýdançadan çykaryldy.
-
Esasy wagt: Toparlar esasy wagtda gol salyp bilmediler.
-
96-njy minut: Firas Al-Buraýkan gol geçirip, toparyna ýeňiş getirdi.
Geçen ýyl hem bu ýaryşyň ýeňijisi Saud Arabystanynyň «Al-Ahli» topary bolupdy. Olar finalda Ýaponiýanyň «Kawasaki Frontale» toparyny 2:0 hasaby bilen ýeňipdiler.
Bu ýaryşda iň köp ýeňiş gazanan topar bolsa Saud Arabystanynyň «Al-Hilal» toparydyr (4 gezek).
Mälim bolşy ýaly, Aziýanyň Futbol Konfederasiýasy tarapyndan AFK Elit Çempionlar ligasy bilen bir hatarda AFK-2 Çempionlar ligasy ýaryşy hm guralýar. Bu ýaryşa Türkmenistanyň “Arkadag” topary hem gatnaşyp, netijeli oýun görkezipdi.