ABŞ-nyň Prezidenti Donald Tramp ýurduň içerki howpsuzlyk ministrliginiň ýolbaşçylygyny üýtgetmek kararyny mälim etdi. Habarlara görä, häzirki wagta çenli bu ministrligiň ýolbaşçysy bolup işlän Kristi Noem wezipesinden boşadylýar.
Prezident onuň ýerine Oklahoma ştatyndan senator Markwaýne Mallini täze Içerki howpsuzlyk ministri wezipesine hödürledi. Bu dalaşgär Senat tarapyndan tassyklanan halatynda, onuň 2026-njy ýylyň 31-martynda täze wezipesine girişmegine garaşylýar.
Ministrligiň ähmiýeti
ABŞ-daky Içerki howpsuzlyk ministrligi ýurduň içerki howpsuzlygyny üpjün edýän iň möhüm döwlet edaralarynyň biridir. Bu ministrlik birnäçe möhüm döwlet gurluşlaryna ýolbaşçylyk edýär.
Şolaryň arasynda:
Immigrasiýa kanunlarynyň ýerine ýetirilişi we deportasiýa işleri
ABŞ serhetleriniň goragy hem bar.
Şol sebäpli bu ministrlik immigrasiýa, serhet howpsuzlygy, terrorçylyga garşy göreş we döwlet howpsuzlygynyň beýleki möhüm ugurlaryny dolandyrýan esasy edaralaryň biri hasaplanýar.