Ukrainaly boksçy Aleksandr Usik agyr agramda professional boksçylaryň arasynda dünýäniň absolýut çempionlygy gaýdyp aldy. Ol 12 tapgrydan ybarat bolan London şäherinde geçirilen boks tutluşygynda britan boksçy Daniel Dýubuanyň 5-nji tapgyrda nokaut bilen ýeňmegi başardy.
Bu boksçylar 2-nji gezek duşuşdylar. Olaryň arasynda 2023-nji ýylda geçirilen tutluşykda ukrain boksçy 9-njy tapgyrda ýeňipdi.
Nobatdaky ikinji duşuşyk hem ukrain boksçynyň işjeň hereketleri bilen başlady. Tutluşygyň 5-nji tapgyrynda ukrainaly boksçy britan garşydaşyny birnäçe dürs urgular bilen nokaut etmegi başardy.
38 ýaşyndaky Usik 5 gezek Bütindünýä Boks Assosiasiýasynyň (WBA) we Bütindünýä Boksa Guramasynyň (WBO) çempionly derejesini gorady. Şeýle hem ol 2 gezek Bütindünýä Boks Geňeşiniň (WBC) guşagyny aldy we Halkara Boks Federasiýasynyň (IBF) dünýä çempiony derejesini gazandy.
Ukrain türgen 2019-njy ýylyň oktýabr aýyndan bäri agyr agramda 7-nji tutluşygyny geçirdi. Usik bu gezekki tutluşykda 132 million dollar gazandy.
Aleksandr Usigiň nobatdaky tutluşygyny 2026-njy ýylyň 18-nji aprelinde Taýson Fýuri bilen geçirmegine garaşylýar.