DÜNÝÄ

Eýranyň Prezidenti Russiýa barýar

Eýranyň Prezidenti Masud Pezeşkian Russiýada saparda bolar we Prezident Wladimir Putin bilen gepleşikler geçirer. Bu barada Kremliň metbugat gullugy habar berýär.

17-nji ýanwarda Russiýanyň Prezidenti Wladimir Putin we Eýranyň Prezidenti Masud Pezeşkian duşuşar. Bu duşuşyk Eýranyň Prezidentiniň Russiýa amala aşyrýan resmi saparynyň çäklerinde bolar.

Taraplar ikitaraplaýyn hyzmatdaşlygy giňeltmek, şol sanda söwda-maýa goýum, ulag-logisitka, ynsanperwer gatnaşyklary, şeýle hem sebit we halkara gün tertibi boýunça pikir alşarlar.

Mundan başga-da, Eýran bilen Russiýanyň arasynda ählumumy strategik hyzmatdaşlyk ylalaşygyna gol çekiler.

Ozal, iki ýurduň Prezidentleri Türkmenistanda we Tatarystanda ikiçäk duşuşyklary geçiripdi.

Related posts

Arno ýene tagty eýeledi

vepa

Wengriýada Türki Döwletleriň Guramasynyň resmi däl sammiti geçiriler

Türkiýäniň Prezidenti milli Liderimizi YHG-niň sammitine çagyrdy