ABŞ-nyň saýlanan Prezidenti Donald Tramp türk asylly lukman we alypbaryjy Mehmet Öz üçin öz hökümetinde täze wezipä hödürledi. Mehmet Öz üçin “Medicare” we “Medicaid” hyzmat merkeziniň başlygy wezipesi teklip edildi.
Tramp bu barada “Truth Social” jemgyýetçilik torunda habar berdi.
– Men lukman Mehmet Özi köp ýyldan bäri tanaýaryn. Onuň her bir amerikalnyň iň gowy lukmançylyk hyzmatyny almagy ugrunda tagalla etjekdigina ynanýaryn. Bu hem biziň döwletimizi beýik we sagdyn eder – diýip, Tramp belledi.
Mälim bolşy ýaly, Mehmet Öz ýürek lukmany we alypbaryjy. Ol 2022-nji ýylda Trampyň goldawy bilen Pensilwaniýa ştatynyň senaty üçin dalaşgär görkezilipdi.