Özbegistanyň Prezidenti Şawkat Mirziýoýewiň çakylygy boýunça Germaniýa Federatiw Respublikasynyň Federal Kansleri Olaf Şols 15-16-njy sentýabrda bu ýurtda resmi saparda bolar.
Bu saparyň maksatnamasyna laýyklykda, Samarkand şäherinde ýokary derejede gepleşikler geçiriler we özbek-german hyzmatdaşlygy köptaraplaýyn esasda ara alnyp maslahatlaşylar.
Gepleşiklerde söwda-ykdysady, tehnologiýa we maýa goýum-maliýe hyzmatdaşlygyny ösdürmegiň ugurlaryna serediler. Şeýle hem sebit hyzmatdaşlygy ara alnyp maslahatlaşylar.
Saparyň çäklerinde Özbegistanyň Prezidenti we Germaniýanyň Federal Kansleri iki ýurduň işewür düzümleriniň gatnaşmagynda bilelikdäki duşuşygy geçirerler.
Şeýle hem Germaniýa Federatiw Respublikasynyň Federal Kansleri Olaf Şols Gazagystanda hm saparda bolup, bu ýerde “Germaniýa-Merkezi Aziýa” sammitine gatnaşar.