Pariž Olimpiadasynda ýene-de bir täze üstünlik gazanyldy. Futbol boýunça erkekleriň arasynda geçirilen ýaryşda uly hasaply ýeňiş hasaba alyndy. Bürünç medaly gazanmak ugrundaky ýaryşda Marokkonyň ýygyndysy Müsüriň ýygyndysyny 6:0 hasabynda utdy. Mundan ozal, 1928-nji ýylda medal ugurndaky duşuşykda uly hasaply ýeňiş gazanylypdy.
Şeýlelikde, Marokkonyň ýygyndysy Müsüri 6:0 hasabynda ýeňip, Pariž Olimpiadasynyň bürünç medalyny gazandy. Nant şäherinde geçirilen duşuşykda Sufýan Rahimi, Abde Ezzalzuli, Bilal El-Hannus, Akram Nakaş we Aşraf Hakimi tapawutlandy.
Bu ýeňiş 1928-nji ýylda soňra erkekleriň arasynda Olimpiýa oýunlarynda gazanylan uly hasaply üstünlikdir.
96 ýyl mundan ozal, ýene-de bürünç medaly gazanmak ugrundaky duşuşykda Italiýanyň ýygyndysy Müsüri 11:3 hasabynda utupdy.
Pariž Olimpiadasynda futbol boýunça erkekleriň arasynda geçirilen ýaryşyň finalynda, ýagny şu gün geçiriljek final duşuşygynda Fransiýa bilen Ispaniýa duşuşar.