Angliýanyň “Mançester Siti” topary Fransiýanyň “Lens” klubyndan Özbegistanyň goragçysy Abdukodir Husanow bilen resmi şertnama baglaşdy. 20 ýaşyndaky futbolçy dört ýarym ýyllyk şertnama bilen Angliýanyň Premýer-ligasynyň çempionynyň hataryna goşulýar we 2029-njy ýylyň tomsuna çenli bu toparda galar.
Özbegistanyň düzüminde 18 duşuşykda oýnan ýaş futbolçy dünýä belli tälimçi Pep Gwardiolanyň elinde tälim alar. Ol täze toparnyň düzüminde 2024/25-nji möwsümiň ikinji ýarymyny geçirer.
Şeýlelikde, özbek futbolçy Angliýanyň Premýer-ligasynda öz ýurduna wekilçilik edýän ilkinji futbolçy boldy.
Husanow 2023-nji ýylyň tomsunda Belarusyň “Energetik-BGU” klubyndan “Lens” toparyna goşuldy we gysga wagtda “Ligue 1” çempionatynyň geljegi uly ýaş goragçylarynyň biri hökmünde özüni tanatdy.
Fransuz toparynda bary-ýogy 31 gezek çykyş edip, dünýä belli toparyň gyzyklanmasyna eýe boldy.