Hytaý Halk Respublikasynyň Döwlet Geňeşiniň wise-premýeri Din Sýuesýan Gazagystanda we Türkmenistanda saparda bolar. Bu barada HHR-iň Daşary işler ministrliginiň resmi wekili Mao Nin habar berdi.
Onuň bellemegine görä, Hytaý Halk Respublikasynyň Döwlet Geňeşiniň wise-premýeri Din Sýuesýan 26-30-njy noýabry aralygynda Gazagystanda we Türkmenistanda saparda bolar. Hytaýyň ýokary derejeli döwlet wekiliýeti Gazagystanda hyzmatdaşlyk boýunça gazak-hytaý komitetiniň 11-nji mejlisine, Türkmenistanda bolsa, hyzmatdaşlyk boýunça türkmen-hytaý komitetiniň 6-njy mejlisine gatnaşar.
Hyzmatdaşlyk boýunça gazak-hytaý komiteti 2004-nji ýylda döredildi, onuň mejlisleri iki ýurduň hökümet baştutanlarynyň orunbasarlarynyň derejesinde geçirilýär.
Aşgabatda geçirilmegi meýilleşdirilýän hyzmatdaşlyk boýunça türkmen-hytaý komitetiniň 6-njy mejlisi barada Ministrler Kabinetiniň mejlisinde hem habar berildi. Hasabat berlişine görä, bu komitetiň öňde boljak mejlisi 29-njy noýabrda Aşgabatda geçiriler.
Bu komitetiň düzüminde 6 sany kiçi komitet hereket edýär. Komitetiň nobatdaky mejlisiniň gün tertibine nebitgaz, ulag we logistika, oba hojalygy, himiýa we dokamsenagaty, ylym we bilim, ýokary tehnologiýalrar, saglygy goraýyş ýaly ulgamlarda türkmen-hytaý hyzmatdaşlygynyň wajyp meseleleri girizildi.